Зөлфия Әхмәтова берлеккә беренче ел гына йөрми. Аның фикере - яшьләрне Гөлназ оешмага җәлеп итә алды.

“Иман” берлегенә йөрүче яшьләр һәрберсе үзенә кызыксындырган шөгыль таба ала. Кем җырлый, кем бии, кемдер сәнгатьле уку дәресләрен ала, осталыгын үстерә.

Гүзәл Нургаянова рус мәктәбендә укыган, әмма өйдә татар телендә сөйләшеп үскән. Гүзәл сүзләренчә, бакчага йөртә башлаганда, татарча гына сөйләшкән. Бакчада рус телендә өйрәнгән, өйдә дә русча сөйләшүгә күчкәч, аны әти-әнисе ачуланып, туган телендә генә аралашуын таләп иткән. Гүзәл балаларның ана телендә сөйләшүе, моңа теләге гаиләдән тора, диде.

Оешмага да Гүзәл Нургаянованы туган телебездә аралашу теләге тарта. Шулай ук җырларга яратучы кыз биредә чыгышлар да ясый, кичәләргә сценарийлар яза, аларны алып та бара икән әле.

Һәр милли оешмага да хас нәрсә - ул бер дөрләп янып китеп, күтәрелеш чорын кичерә, бик күп эшләр башкара. Шулай ук тиз арада сүлпәнлек тә сизелә башларга мөмкин. “Иман” берлеге дә шундый мизгелләр кичерде. Әмма үткән елда берлек активлыгын арттырды. Бу, беренче чиратта, рәиснең үзенең активлыгына бәйле”, диде “Иман” берлеге рәисе Гөлназ Нургалиева.

Төрле чаралар уздыру, башка милли оешмалар белән дустанә мөнәсәбәттә яшәү, үзләрен төрле өлкәдә сынап карау егетләрне-кызларны берләштерә генә, дип ассызыклады Гөлназ Нургалиева. “Безнең яшьләр чарадан чарага гына очрашмый, алар бер гаилә булып яши”, дип аерым басым ясады Иман берлеге рәисе Гөлназ Нургалиева.

“Иман” берлегендә бүген күбрәк студентлар, эшче яшьләр. Киләчәктә мәктәп укучыларын да оешмага тартуны күздә тотабыз”, дип уртаклашты Гөлназ. Хәтта мәктәптә, яисә гимназиядә кечкенә “Иман” берлеге булдырырга ниятебез бар диде Гөлназ.

Ин мөһиме “Иман” берлегенең максаты - яшьләребезне туган телебездә сөйләшергә өйрәтү, үзебезнең гореф-гадәтләребезне үтәп яшәү. Куйган максатларына ирешергә тырыша яшьләр.